Giovanni Giovio Pontano

 

(1429-1503). Neapolitan humanist.

 

 

De sermone 6.4.6

 

Date:	1499-1503
Ms.:	Wien, Österreichische Nationalbibliothek, cod. 3413 fol. 152r-245r: 237v (URL: data.onb.ac.at/dtl/3626780
Ed.:	De sermone. Neapoli: per Sigismundum Mayr Alemanum, 1509, sig.(g5)v, ed. princ. (URL: digital.onb.ac.at)
	De sermone ed. Alessandra Mantovani (Rom 2002), 6.4.6, p.458. Lat. text is repr. of ed. a cura di S. Lupi e A. Risicato, Thesauri mundi (Lugano 1954).
	The excerpt follows Mantovani with minor adjustements, esp. regarding the punctuation.

 

 

Ac, ne nostris a disciplinis discedamus, Iulius Pomponius, exactissimus aetatis nostrae grammaticus Romanaeque uetustatis perpensor quam maxime diligens, nobilitatem generis ita dissimulauit – cum e familia esset Sanseverinia, quae haudquaquam exiguae parti Lucaniae imperitaret ac Brutiae –, ut neque ipse genus fateretur et cum illis, quibus notum id esset, ita loqueretur, ut uideri posset nobilitatem contemnere. Cognitionem uero rerum plurimarum, quae in eo erat non mediocris, ita prae se tulit, ut docens ipse uetustosque auctores interpretans declararet, qui et quantus in docendo esset atque in interpretando. Coeterum in conuentibus familiarique in consuetudine ac sermone mirum est quam uerecunde – nedum modeste – de se aut sentiret aut loqueretur, cumque aliis plurimum tribueret, in se ipsum maxime parcus erat.

 

 

 

Johann Ramminger
31 November 2005. Last updated 5 June 2018.

 

TO TOP